In 1872 word die skool deur prof. en mev. Jan de Villiers oorgeneem. (Hy was ‘n afstammeling van ’n Hugenoot, De Villiers, wat uit La Rochelle, Frankryk, gekom het). Jan ‘Orrelis’ was ook musiekonderwyser in die Paarl en het saam met sy vrou ook ‘n koshuis begin. In die skool, wat nou uit 200 leerlinge bestaan het, het hy die musiekonderrig behartig, terwyl mev. De Villiers die hoof van die ‘Ladies’ Seminary’ was. Engels was die medium van onderrig en Frans en Hollands is as vakke onderrig.

Miss Virginia Lee Pride, a teacher from the Huguenot Seminary, was appointed principal of the Paarl branch of the Seminary. Being young and inexperienced, Miss Pride’s task was a difficult one. Furthermore, as an American, she lacked the ability to communicate with some of the girls in their mother tongue, Dutch.

Mej. Johanna Jacoba Meyer, ‘n onderwyseres van La Rochelle, volg mej. Cillié in 1921 op. In haar tyd as skoolhoof word die skoollied deur Jan F.E. Cilliers geskryf en deur M.L. de Villiers getoonset (1922). In 1923 word die skoolwapen in gebruik geneem en in 1924 word nog klaskamers aangebou. Die Oudleerlingbond word in 1929 gestig. Aan die einde van 1934 word Coligne-koshuis gesloop en die huidige koshuis gebou teen ‘n koste van 25 000 pond. Esperanza is in 1936 gesloop. Eendracht en Navarre word tans nog as koshuise gebruik.

Mej. Christa le Roux, nog ‘n oud-leerling van La Rochelle, word in 1963 as skoolhoof aangestel. Gedurende haar hoofskap word die swembad gebou, die hokkievelde in Bredastraat aangekoop en ‘n mediasentrum langs die biblioteek ingerig. Sy tree in 1992 na 29 jaar as skoolhoof van La Rochelle af en vestig haar in die Strand.

Mej. Amanda Lochner, was sedert Julie 1992 aan die skool verbonde as adjunkhoof, en volg mej. Longland in Januarie 2002 as skoolhoof op. In 2002 kry die Martha Cilliers Biblioteek ’n tweede vlak en die Johanna Longland Leersentrum word op 29 Mei ingewy.

In 2005 word ’n gedeelte van die die koshuis se waskamer omskep en die Boutique@Larrie kleremark word ’n werklikheid en ’n onmisbare deel van die skool.

In 2006 word die kleedkamers by die swembad in ‘n klubhuis en onthaallokaal omskep. Spreiligte en ‘n omheining is by die Hokkievelde in Bredastraat aangebring. Tydens mej. Lochner se hoofskap wen La Rochelle 10-keer die gesogte 4M trofee. Sport-en kultuurtoere oorsee, word ook ’n eerste vir La Rochelle.

In 2010 vier La Rochelle haar 150 ste bestaansjaar in swier en styl. ‘n Gedenkboek wat die 150 jaar uitbeeld, word uitgegee. Jeugleierseminaar vir plattelandse skole word in samewerking met Vrystaat Universiteit geloods. Eretoekenning aan presterende oudleerders en voormalige
skoolhoofde word oorhandig. Eerste Jaarblad verskyn in VOLKLEUR.

Volgehoue akademiese prestasie in die Nasionale Senior Sertifikaat Eksamen vanaf 2000-2020; handhawing van 100% slaagsyfer vir 26 jaar en 90% plus B-graad toelating. Dit lei tot die skool se verskyning op verskeie instansies se merietelyste; die laaste paar jaar ook by die Skole Ondersteuningsentrum.

The school was also the recipient of several awards for Academic Excellence from the Western Cape Education Department for consecutive years.

Die multi-funksionele En Avant-sentrum word in 2015 voltooi, ’n eerste in die Paarl. Die Astro baan word in 2020 gebou en eers in 2021 in gebruik geneem weens COVID-19. Met behulp van Drakenstein Munisipaliteit en Departement Openbare Werke, word die jarelange grondeis by Bredastraat afgehandel. In ruil ontvang La Rochelle die Du Toitstraat Tennisbane.

Juf. Lochner tree einde Julie 2021 na 19 en ‘n half jaar as hoof van La Rochelle af.